Ol Tok Yu Ken Mekim Bilong Tilim Ol Nius

Wastaua Janueri 15

“Taim yu tingim bagarap i bin painim ol man kirap long bipo yet na i kam inap long nau, yu ting pasin nogut i daunim ol gutpela pasin? [Larim man i bekim tok.] Lukim tok Baibel i mekim long God. [Ritim Song 83:18b.] Bikpela em i God Antap Tru na em i bosim olgeta hap bilong graun, olsem na yu ting pasin nogut inap win? [Larim man i bekim tok.] Dispela Wastaua i kamapim gutpela tok bilong bekim dispela askim.”

Kirap! Janueri-Mas

“Tok profet bilong Baibel i makim olsem wanpela taim bai kamap na i no gat wanpela man bai tok, ‘Mi gat sik.’ [Ritim Aisaia 33:24.] Yu ting dispela i gutpela samting? [Larim man i bekim tok.] Tasol, long nau ol manmeri i karim hevi bilong kain kain sik, na sik AIDS i wanpela bilong ol. Dispela Kirap! i bekim dispela askim, Yu ting ol bai pinisim AIDS?”

Wastaua Februeri 1

“Planti man long nau ol i tingting planti, long wanem, ol i no laik bai wok mani bilong ol i lus, na sampela narapela ol i kisim bikpela hevi long wok. Yu ting i gat rot long ol man i ken amamas na bel i stap isi long wok? [Larim man i bekim tok. Ritim Aisaia 65:​21-​23.] Dispela Wastaua i stori long wanpela taim bai kamap na olgeta man bai i gat gutpela wok long mekim.”