Ol Tok Yu Ken Mekim Bilong Tilim Ol Nius

Wastaua Ogas 15

“Mipela i laik askim yu long kamapim tingting bilong yu long wanpela tok Jisas i bin mekim. [Ritim Matyu 5:⁠5.] Taim dispela tok promis i kamap tru, yu ting ol samting bai i stap wankain long graun olsem ol i stap long nau? [Larim man i bekim tok.] Dispela nius i kamapim tok bilong Baibel i soim olsem wanem Jisas bai senisim ol samting bilong dispela graun. Na tu, em i stori gut long husat bai kisim dispela graun na sindaun long en.”

Awake! Ogas

“Olsem wanem? Yu ting yumi inap lukim gen ol famili bilong yumi husat i dai pinis? [Larim man i bekim tok.] Lukim tok promis Jisas i bin mekim long ol man i dai pinis. [Ritim Jon 5:​28, 29.] Dispela nius i kamapim tok bilong Baibel i stori gut long ol samting i painim yumi taim yumi dai.” Soim stori i kirap long pes 28.

Wastaua Septemba 1

“Long nau planti man i no tingim tumas ol samting bilong lotu. Yu ting sapos man i tingim ol samting bilong lotu dispela bai helpim em long stap gutpela man moa? [Larim man i bekim tok.] Lukim tok Baibel i mekim long taim bilong las de. Em i tok profet long ol samting ol man bai i gat laik long lotu i mekim. [Ritim 2 Timoti 4:​3, 4.] Dispela nius i stori gut long olsem wanem lotu i tru i save helpim yumi na litimapim nem bilong God.”