Kalenda Bilong 2011

As tok bilong 2011 Calendar of Jehovah’s Witnesses em Famili Lotu. Kalenda i gat ol piksa bilong ol famili long nau na ol famili long taim bilong Baibel. Na tu, i gat ol piksa bilong ol wokman na ol wokmeri bilong Jehova, sampela em ol marit na sampela em ol singel. Ol piksa i soim olsem ol i stadi long Baibel.

Ol manmeri bilong Baibel em kalenda i soim piksa bilong ol, ol i save laikim tru lo bilong Jehova, na dispela i bin helpim tru ol long karim ol bikpela hevi ol i bungim. (Sng. 1:​2, 3) Taim yumi skelim olgeta wan wan piksa i stap long kalenda, yumi bai pilim tru olsem Famili Lotu em samting yumi mas mekim, maski famili bilong yumi em bikpela o liklik, o olgeta i stap insait long tok i tru o nogat. I gat spes i stap long kalenda we yu ken raitim de em famili bilong yu i makim bilong mekim Famili Lotu. Taim yupela i kisim kalenda bilong yupela, no ken lusim tingting long raitim dispela de yupela i makim bilong mekim Famili Lotu!