Jehova i No Inap Givim Baksait Long Man i Bel Hevi

Devit i bin raitim ol tok bilong Song sapta 51 bihain long profet Natan i givim tok kaunsel long em long bikpela sin em i bin mekim wantaim Batseba. Bel bilong Devit i kotim em, na em i daunim em yet na tokaut long sin bilong em.—2Sm 12:1-14.

Devit i bin mekim sin, tasol em inap stretim gen pasin bilong em long pas gut wantaim God

51:3, 4, 8-12, 17

• Paslain long em i tanim bel na tokaut long sin bilong em, bel bilong em i gat tok na em i pilim nogut tru

• God i no orait long sin bilong Devit, olsem na Devit i pilim olsem bel bilong em i bagarap olgeta, i olsem ol bun bilong em i bruk

• Em i laik tru bai God i fogivim em, na em inap pas gut gen wantaim God, na stap belgut gen olsem long pastaim

• Em i daunim em yet na askim Jehova long helpim em long kisim pasin bilong bihainim tok long olgeta taim

• Em i bilip tru olsem Jehova bai fogivim em