Baibel i Stori Long Pasin Bilong Gutpela Meri Tru

Sindaun sapta 31 i gat ol tok bilong givim gutpela tingting long King Lemuel em Mama i givim long em. Skultok bilong Mama i helpim em long painim meri i gat gutpela pasin tru.

Gutpela meri i save bihainim gutpela pasin oltaim

31:10-12

• Em i save kamapim ol gutpela tok taim famili i laik mekim ol disisen, tasol em i stap daun yet long man bilong em

• Man i trastim meri bilong em olsem em bai mekim ol gutpela disisen, tasol man i no strong long meri i mas kisim tok orait long em long olgeta disisen em i laik mekim

Gutpela meri i save wok hat tru

31:13-27

• Em i save yusim gut mani na amamas long ol liklik samting em famili i gat pinis. Dispela i helpim famili na ol i gat ol klos bilong bilas gut na ol inap long kisim gut kaikai

• Em i save wok hat tru na lukautim ol samting bilong haus long de na nait

Gutpela meri i stap gut long sait bilong bilip

31:30

• Em i save pret long God na em i gat gutpela pasin pren wantaim em