GUTPELA SAVE I KAM LONG BAIBEL | AISAIA 34–37
Hesekia i Kisim Blesing Long Pasin Bilong Em Long Bilip
King Senakerip bilong Asiria i salim ami bilong Rabsake i go long Jerusalem bilong kirapim ol Israel long givim ol yet long han bilong ol Asiria. Ol Asiria i sutim kain kain tok long ol Juda bilong mekim ol i givap long pait.
Stap wanpis. Ol Isip i no inap helpim yu.—Ai 36:6
Kisim 2-pela tingting. Jehova i no inap helpim yu long pait bikos em i no amamas long yu.—Ai 36:7, 10
Pretim ol. Lain ami bilong Rabsake i tokim Hesekia na ol lain bilong em olsem ol i no inap tru long daunim strongpela ami bilong Asiria.—Ai 36:8, 9
Ol traim. Lain Asiria i tok, sapos lain Juda i givim ol yet long han bilong ol, sindaun bilong ol bai gutpela tru.—Ai 36:16, 17
Hesekia i bilip strong tru long Jehova
Em i mekim olgeta samting em inap mekim bilong redim ol yet taim ami bilong Rabsake i kam pait long ol
Em i beten long Jehova i ken kisim bek ol long han bilong ol birua na em i kirapim ol long beten tu
Jehova i harim beten bilong em taim em i salim wanpela ensel i kam kilim i dai 185,000 soldia bilong Asiria insait long wanpela nait