Yu Inap Strongim Kristen Husat i No Strong Moa Long Bilip

Long Tunde, Epril 11, planti Kristen husat i no strong moa long bilip bai kam long bung bilong Memorial. Ol i kirap ron long resis bilong laip tasol sampela samting i mekim na ol i lusim dispela resis. Buklet Kam Bek Long Jehova i stori long sampela risen na ol i lusim dispela resis. (Hi 12:1) Tasol ol dispela manmeri i dia tumas yet long ai bilong Jehova bikos em i baim ol long blut bilong Pikinini bilong em. (Ap 20:28; 1Pi 1:18, 19) Olsem wanem yumi inap helpim ol long kam bek long kongrigesen?

Ol elda long kongrigesen i wok long painim na helpim ol dispela Kristen wankain olsem wasman i save painim sipsip husat i lusim lain sipsip. (Lu 15:4-7) Dispela i soim tru pasin laikim bilong Jehova. (Jer 23:3, 4) Yumi olgeta inap strongim ol, na i no wok bilong ol elda tasol. Jehova i amamas taim yumi wok strong long helpim ol na soim gutpela pasin long ol, na gutpela samting i save kamap. (Sd 19:17; Ap 20:35) Olsem na tingim husat yu inap long strongim em na mekim olsem kwiktaim!

LUKIM VIDIO ENCOURAGE THE INACTIVE ONES, NA BEKIM OL DISPELA ASKIM:

• Abbey i mekim wanem taim em i bungim wanpela Witnes husat em i no save long em?

• Bilong wanem yumi mas lukim ol elda sapos yumi tingting long helpim wanpela husat i no strong moa long bilip?

• Abbey i mekim wanem taim em i laik visitim Laura namba 2 taim?

• Olsem wanem Abbey i soim pasin bilong i no les kwik, pasin isi, na pasin laikim taim em i laik strongim Laura?

• Yumi inap kisim wanem skul long tok piksa bilong Jisas long Luk 15:8-10?

• Wanem gutpela samting i kamap taim Abbey i wok strong long helpim Laura?