Mekim Wok Autim Tok i Kamap Gutpela Moa​—Yusim Gut JW.ORG

RISEN: Olgeta pablikesen long Tul Boks Bilong Skulim Ol Man i save stiaim yumi i go long jw.org. Risen na yumi tilim kontek kat na liklik nius Hau Bai Yumi Inap Kisim Bekim Bilong Ol Bikpela Askim Long Laip? em long stiaim ol man i go long websait. Yu inap tilim wanpela pablikesen long Tul Boks Bilong Skulim Ol Man long rot bilong yusim jw.org long salim elektronik kopi long e-mail o link. Dispela em gutpela rot tru taim yu autim tok long man bilong narapela tokples. Na tu, ol manmeri inap kamapim ol askim ol pablikesen i bekim na i no stap long Tul Boks Bilong Skulim Ol Man. Sapos yumi yusim gut websait, bai yumi mekim gut wok autim tok.

ROT BILONG MEKIM:

• 

  Yusim hap “BIBLE TEACHINGS.” Sapos yu autim tok long wanpela papa o mama husat i laik save moa long pasin bilong mekim bikpela long pikinini. Go long BIBLE TEACHINGS > MARRIAGE & FAMILY.

• Yusim hap “PABLIKESEN.” Sapos yu autim tok long skul na yu laik stori wantaim wanpela klasmeit long buklet Bekim Bilong 10-pela Askim Bilong Ol Yangpela. Go long PABLIKESEN > BUK NA BUKLET.

• Yusim hap “MIPELA OL WITNES.” Sapos yu autim tok long wanpela wanwok husat i laik ritim sampela tok long ol bilip bilong yumi. Go long MIPELA OL WITNES > OL ASKIM PLANTI MAN I SAVE MEKIM LONG OL WITNES BILONG JEHOVA.

LUKIM VIDIO YUSIM GUT JW.ORG, NA TINGIM WANEM HAP LONG WEBSAIT YU BAI GO LONG EN BILONG HELPIM:

• man i no bilip long God

• wanpela i karim bikpela hevi tru

• wanpela brata o sista i no strong moa long bilip

• wanpela gobek i laik save long hau yumi kisim mani bilong mekim wok

• wanpela long narapela kantri i laik go long miting long ples em i stap long en