GUTPELA SAVE I KAM LONG BAIBEL | APOSEL 1-3
God i Kapsaitim Holi Spirit Long Kongrigesen Kristen
Planti Juda i stap long Jerusalem long taim bilong Pentikos bilong yia 33 C.E., ol i kam long ol narapela kantri. (Ap 2:9-11) Tru ol i save bihainim Lo Bilong Moses, tasol long laip olgeta bilong ol, ol i stap long narapela kantri. (Jer 44:1) Olsem na lukluk bilong sampela bilong ol na pasin bilong ol long toktok i bilong ol dispela kantri ol i stap long en na i no bilong Juda. Taim 3,000 bilong dispela bikpela lain manmeri bilong kain kain kantri i kisim baptais, wantu kongrigesen Kristen i pulap long ol man bilong kain kain skin na kantri na tokples. Maski i olsem, “long olgeta de ol i save bung long tempel na ol i stap wanbel.”—Ap 2:46.
Olsem wanem yu inap soim olsem yu tingim . . .
ol manmeri bilong ol narapela kantri i stap long hap bilong yu?
ol brata na sista long kongrigesen bilong yu em ol i bilong ol narapela kantri?