Gutpela Samting i Kamap Long Wok Bilong Autim Tok Long Rot Bilong Troli Bilong Litresa

Sapta 5 bilong Buk Aposel i kamapim olsem ol Kristen long taim bilong ol aposel i save go long tempel, em wanpela ples we planti manmeri i stap, na bai ol i ken autim gutnius. (Ap 5:19-21, 42) Long nau, yumi lukim planti gutpela samting i kamap long wok bilong autim tok long rot bilong troli bilong ol litresa long ol pablik ples.

LUKIM VIDIO GUTPELA SAMTING I KAMAP LONG WOK BILONG AUTIM TOK LONG ROT BILONG TROLI BILONG LITRESA, NA BIHAIN BEKIM OL DISPELA ASKIM:

• 

  Wanem taim wok bilong autim tok long rot bilong troli bilong litresa i kirap? Olsem wanem ol i mekim dispela wok?

• Olsem wanem pasin bilong yusim troli bilong litresa i gutpela moa long tebol?

• Yumi inap lainim wanem samting long ekspiriens bilong Mi Jung You?

• Olsem wanem ekspiriens bilong Jacob Salomé i kamapim klia gutpela samting i kamap long wok bilong autim tok long rot bilong troli bilong litresa?

• Olsem wanem ekspiriens bilong Annies na man bilong em i skulim yumi long olsem wanem yumi ken autim gut tok long rot bilong troli bilong litresa?