“Yupela i Mas Wok Yet Long Tingim Ol Dispela Samting”

Yumi mas tingim wanem ol samting? Filipai 4:8 i tok yumi mas tingim ol samting i tru, ol bikpela samting, ol samting i stretpela, ol samting i klin, ol samting i kirapim pasin laikim, ol samting i gat gutnem, ol samting i gutpela, na ol samting i stret long ol man i litimapim. Dispela i no makim olsem ol Kristen i mas tingim tasol ol tok bilong Baibel long olgeta de. Nogat. Ol samting yumi mas tingting long en, em ol samting we Jehova i orait long en. Yumi no ken tingting long ol samting we bai mekim na yumi no stap gut long em.—Sg 19:14.

Em hatwok long sakim ol tingting nogut. Yumi mas sakim ol laik nogut bilong skin, na tu, sakim Satan, “em god bilong dispela graun.” (2Ko 4:4) Satan i stiaim ol samting i kamap long TV, redio, Intenet na ol buk, olsem na olgeta i pulap long ol samting nogut. Sapos yumi no skelim gut ol samting yumi putim long tingting, yumi inap bagarapim tingting bilong yumi na isi isi ol dispela samting inap bagarapim pasin bilong yumi.—Jem 1:14, 15.

LUKIM VIDIO ABRUSIM PASIN WE INAP BAGARAPIM PASIN BILONG STAP GUT LONG GOD—OL AMAMAS NOGUT, NA BIHAIN GIVIM OL DISPELA ASKIM:

• 

  Brata i lukim wanem samting long fon bilong em? Dispela i mekim wanem long em?

• 

  Olsem wanem Galesia 6:7, 8 na Song 119:37 i helpim em?