Jehova i Save Laikim Ol Manmeri i Stap Klin

“Yu mas wasim han bilong yu. Klinim rum bilong yu. Brumim plua. Rausim ol rabis.” Planti papamama i save skulim ol pikinini bilong ol long i stap klin. Tasol pasin bilong i stap klin i kam long God bilong yumi em man i holi. (Ki 30:18-20; Lo 23:14; 2Ko 7:1) Taim yumi mekim ol samting na bai bodi na ol samting bilong yumi i ken i stap klin, yumi givim ona long Jehova. (1Pi 1:14-16) Olsem wanem long haus bilong yumi na ol samting i stap long eria bilong yumi? Ol man bilong dispela graun i save tromoi pipia nabaut long rot na olgeta hap, tasol ol Kristen i save wok strong long mekim ol samting na bai graun i ken i stap klin. (Sg 115:16; Re 11:18) Pasin bilong yumi long tromoi ol liklik samting, kain olsem ol plastik, ol tin, loli samting, bai kamapim klia yumi gat wanem tingting long pasin bilong i stap klin. Long olgeta samting yumi mekim long sindaun bilong yumi, yumi laik ‘kamapim klia olsem yumi ol wokman bilong God.’—2Ko 6:3, 4.

LUKIM VIDIO GOD I LAIKIM OL MANMERI I STAP KLIN, NA BIHAIN GIVIM OL DISPELA ASKIM:

• Sampela inap givim wanem ol eskius long wai na ol samting bilong ol i no stap klin?

• Olsem wanem Lo Bilong Moses i kamapim klia tingting bilong Jehova long pasin bilong i stap klin?

• Olsem wanem ol samting yumi mekim inap givim ona long Jehova maski yumi no mekim wanpela tok?