GUTPELA SAVE I KAM LONG BAIBEL | STAT 32-33

Olsem Wanem? Yu Pait Strong Long Kisim Wanpela Blesing?

Bilong kisim blesing i kam long Jehova, yumi mas wok strong long putim wok bilong Jehova i stap nambawan samting long laip bilong yumi. (1Ko 9:26, 27) Taim yumi mekim wok bilong Jehova, yumi mas bihainim wankain pasin olsem bilong Jekop husat i bin pait strong wantaim wanpela ensel. Yumi soim olsem yumi wok strong long kisim blesing i kam long Jehova long rot bilong . . .

Redim gut ol hap bilong miting
Insait long wok autim tok long olgeta taim
Wok strong long helpim ol arapela insait long kongrigesen

Ol piksa: Wanpela mama. 1. Em i beten paslain long em i kirap mekim ol samting long de olgeta. 2. Em i givim kaikai long bebi bilong em paslain long em i go autim tok. 3. Em i amamas long autim tok wantaim 2-pela pikinini gel bilong em na ol sista long kongrigesen.

Maski sindaun bilong yu i gat planti hatwok, oltaim beten long Jehova i helpim yu na wok strong long mekim ol wok bilong em na askim em long blesing yu.

ASKIM YU YET, ‘Wanem ol samting long laip bilong mi em mi ken wok strong long en na bai Jehova i ken blesim mi?’