Sanap Strong—Pinis i Kam Klostu

BILONG WANEM EM I BIKPELA SAMTING: Klostu nau ol bikpela samting bai kamap we yumi mas soim olsem yumi sanap strong na bilip tru long Jehova winim long bipo. Traipela hevi tru bai kirap taim bagarap i painim ol lotu giaman. (Mt 24:21; Re 17:16, 17) Long dispela taim, ating yumi bai tokaut long strongpela tok bilong kot bai painim ol man. (Re 16:21) Gok Bilong Magok bai pait long yumi. (Ese 38:10-12, 14-16) Bilong sambai long lain bilong em, Jehova bai mekim “pait long dispela bikpela de bilong God i Gat Olgeta Strong.” (Re 16:14, 16) Bilong helpim yumi long sanap strong long dispela taim bilong hevi, nau yumi mas sanap strong na karim ol hevi i traim bilip bilong yumi.

ROT BILONG MEKIM:

• Sambai long ol stretpela lo bilong Jehova na bihainim ol dispela lo.—Ai 5:20

• Wok yet long bung wantaim ol wanbilip Kristen long ol miting.—Hi 10:24, 25

• Redi long bihainim ol tok i kam long oganaisesen bilong Jehova.—Hi 13:17

• Tingim tingim long bel olsem wanem Jehova i bin kisim bek lain bilong em long bipo.—2Pi 2:9

• Beten long Jehova na trastim em.—Sg 112:7, 8

LUKIM VIDIO BILONG DRAMA STRONGIM BEL TAIM OL BIKPELA SAMTING I KAMAP BIHAIN—HAP BILONG EN, NA BIHAIN BEKIM OL DISPELA ASKIM:

• 

  Taim ol i bungim ol kongrigesen wantaim, olsem wanem dispela i traim pasin bilong ol pablisa long bihainim tok?

• 

  Olsem wanem pasin bilong sanap strong na bihainim tok i wok wantaim?

• 

  Bilong wanem yumi mas sanap strong taim Armagedon i kam?

• 

  Wanem stori bilong Baibel inap strongim bilip bilong yumi olsem Jehova bai kisim bek yumi?—2St 20:1-24