Kisim Helpim Long Jehova Long Rot Bilong Beten

Jehova yet i save mekim man i laikim tok i tru. (1Ko 3:6-9) Olsem na sapos yumi laik bai wok autim tok bilong yumi i kamapim gutpela samting, yumi mas beten askim Jehova long helpim yumi na ol Baibel sumatin.

Askim Jehova long helpim sumatin bilong yu long sanap strong taim ol samting i putim presa na givim hevi long em. (Fl 1:9, 10) Kolim stret helpim yu nidim. Beten askim God long givim yu holi spirit long helpim yu long stiaim tingting na pasin bilong yu. (Lu 11:13) Skulim Baibel sumatin long pasin bilong beten, na kirapim em long mekim olsem. Kolim nem bilong sumatin long taim yu beten wantaim ol, o long taim yu yet i beten.

PILAIM VIDIO KISIM AMAMAS LONG WOK BILONG KAMAPIM DISAIPEL—KISIM HELPIM LONG JEHOVA—BETEN, NA BIHAIN GIVIM OL DISPELA ASKIM:

• Wanem samting i givim hatwok long Neeta long stadi wantaim Jade?

• Olsem wanem tok bilong 1 Korin 3:6 i helpim Neeta?

• Neeta i mekim wanem bilong kisim helpim?