GUTPELA SAVE I KAM LONG BAIBEL

Bihainim Savetingting Long Makim Poroman Marit

Solomon i no bihainim savetingting taim em i maritim ol meri husat i lotuim ol giaman god (1Ki 11:1, 2; w18.07 18 par. 7)

Isi isi ol meri bilong Solomon i kirapim em long lusim Jehova (1Ki 11:3-6; w19.01 15-16 par. 6)

Jehova i belhat tru long Solomon (1Ki 11:9, 10; w18.07 19 par. 9)

Ol piksa: Singel sista i mekim pesenel Baibel stadi na tingting long wanpela singel brata. 1. Brata i bekim tok long miting bilong kongrigesen. 2. Em i autim tok long pablik ples. 3. Em i helpim wok bilong stretim Haus Kingdom.

Baibel i tok long ol singel Kristen i mas marit tasol long “man i bihainim Bikpela.” (1Ko 7:39) Maski i olsem, wanpela i kisim baptais i no makim olsem em i winim mak bilong gutpela poroman marit. Dispela man o meri bai helpim yu long givim bel olgeta long lotuim Jehova? Insait long sampela haptaim dispela man o meri i soim olsem em i laikim tru Jehova? Paslain long yu pasim tok long marit, lusim haptaim long save gut long dispela man o meri yu laik maritim.