“Bihainim Pasin Bilong Givim Ol Samting”

Jisas i kamapim klia olsem ol narapela tu inap kisim pasin bilong givim samting. (Lu 6:38) Pasin bilong yu long givim samting bai kirapim ol bratasista bilong yu tu long mekim wankain pasin.

Pasin bilong amamas long givim em hap wok lotu bilong yumi. Jehova i tingim ol man i save givim samting long ol narapela wanbilip husat i nidim helpim na em i promis long givim gutpela pe long ol.​—Pr 19:17.

WATSIM VIDIO MIPELA I AMAMAS LONG PASIN BILONG YUPELA LONG GIVIM OL SAMTING, NA BIHAIN BEKIM OL DISPELA ASKIM:

• Hau na ol donesen bilong yu i helpim ol bratasista bilong yu?

• Wai na yumi mas wok yet long givim, maski yumi givim liklik samting o bikpela samting?​—Lukim tu atikol long jw.org “Surplus Offsets a Deficiency.”