Yusim JW.ORG Hom Pes Long Wok Autim Tok

Hom pes bilong websait bilong yumi i gat ol atikol na vidio em oganaisesen i kamapim long wei we bai kirapim ol man i gat gutpela bel long ritim na lukim. (Ap 13:48) Planti taim em i kamapim ol topik we i kamap long nius o ol man i tingting na stori long en.

Hau bai yu yusim jw.org hom pes long wok autim tok bilong yu?

• Sekim websait long olgeta taim. Luksave long atikol we i stap nau long hap kamap pinis long hom pes na tingim hau yu inap yusim long helpim ol man i gat laik long harim tok. (Bilong painim ol samting i stap long hap kamap pinis long hom pes, go long “Lukim Sampela Moa.”) Pasin bilong sekim websait long olgeta taim bai helpim yu long kamapim ol nupela poin long taim yu autim tok.

• Yusim ol atikol na vidio i stap long hap kamap pinis long hom pes long kirapim tok. Ol samting i stap long dispela hap bai helpim yumi long save long ol samting ol man long teritori i tingting long en.

• Soim ol man long hom pes. Makim stret ol topik na soim man long hau em inap painim ol infomesen long dispela websait.

• Serim link. Sampela man i no laik toktok wantaim yumi, tasol ol i amamas long go long websait bilong yumi. So i gutpela long salim link bilong hom pes o link bilong wanpela atikol o vidio i stap long hap kamap pinis long hom pes long ol man i amamas long harim.