Yumi Inap Daunim Pasin Bilong Heitim Narapela!

Sapos nogat, ating yu lukim dispela pasin i kamap long kain kain rot. Planti taim yumi harim o lukim ol manmeri i heitim ol narapela bikos ol i bilong narapela kantri, skin kala, o man i maritim man o meri i maritim meri. Dispela i mekim na planti gavman i putim ol lo i tambuim pasin bilong heitim ol narapela.

Ol man i karim hevi long ol narapela i heitim ol, ol tu i heitim ol narapela. Ol man i kisim hevi long ol narapela i heitim ol, planti taim ol i bekim bek na dispela i mekim pasin bilong heitim narapela i wok long go bikpela na i no gat pinis bilong en.

Ating yu bin karim hevi long ol man i bin birua long yu bikos yu bilong narapela lain, o tok bilas long yu, o mekim tok i daunim yu, na mekim tok long bagarapim yu. Pasin bilong heitim narapela i save kamapim bikpela hevi moa. Planti taim dispela pasin i mekim na man i mekim nogut tru long narapela, buli long man, bagarapim haus na ol samting bilong man, paitim narapela, reip, kilim man i dai, o kilim i dai wanpela lain olgeta.

Dispela magasin bai bekim ol dispela askim na soim hau yumi inap daunim pasin bilong heitim narapela:

• Wai na pasin bilong heitim ol narapela i go bikpela tru?

• Olsem wanem yumi inap lusim pasin bilong heitim ol narapela?

• Yu ting wanpela taim bai kamap we pasin bilong heitim ol narapela bai pinis olgeta?