Samting i Stret na i No Stret: Samting Yumi Mas Tingim

Sapos yu laik go long wanpela hap bipo yu no bin go long en, bai yu mekim wanem?

1. 1. Bihainim rot em yu ting yu mas go long en.

2. 2. Bihainim ol narapela, em yu ting ol i save long rot.

3. 3. Yu ken askim wanpela yu trastim tru long soim yu rot, olsem wanpela pren, bihainim GPS, o lukim wanpela mep.

Sapos yumi makim namba 1 o namba 2, ating yumi no inap go kamap long hap yumi laik go long en. Tasol sapos yumi makim namba 3, yumi ken bilip tru olsem yumi bai kamap long hap yumi laik go long en.

Laip bilong yumi i olsem wanpela rot yumi wokabaut long en—em rot yumi laik bai bringim yumi i go long gutpela sindaun long bihain. Bilong go kamap long hap yumi laik go long en, em dipen long husat yumi kisim edvais long en taim yumi mekim ol disisen.

Planti disisen yumi mekim em long ol liklik samting, na sampela em long ol bikpela samting. Ol dispela bikpela disisen i kamapim klia tingting yumi gat long wanem samting i stret na wanem samting i no stret. Ol dispela disisen yumi mekim inap mekim sampela samting long yumi inap longpela taim, na tu, long ol lain yumi laikim—em inap kamapim gutpela samting o samting nogut. Yumi mekim ol disisen long ol samting olsem:

• Maritpasin na marit

• Onest pasin, wok, na mani

• Hau long mekim bikpela long ol pikinini

• Pasin yumi mekim long ol narapela

Hau yu inap bilip tru olsem ol disisen yu wokim long ol dispela samting bai helpim yu na famili bilong yu long stap amamas long bihain?

Askim yumi wan wan i mas tingim em: Wanem samting bai stiaim mi long wokim ol disisen long wanem ol samting i stret o i no stret?

Dispela magasin bai stori long wai yumi ken trastim tok Baibel i mekim long wanem samting i stret o i no stret, na olsem wanem dispela inap helpim yu.