Karim Hevi Bilong Pasin i No Stret

Ritim Stat 37:​23-28; 39:​17-23 bilong kisim save long pasin bilong Josep long karim hevi bilong pasin i no stret.

Skelim ol tok i stap klostu. Wai na ol narapela i mekim pasin i no stret long Josep? (Stt. 37:​3-11; 39:​1, 6-10) Josep i karim hevi bilong pasin i no stret inap hamas yia? (Stt. 37:2; 41:46) Long dispela haptaim, Jehova i mekim wanem bilong helpim Josep na Em i no mekim wanem?—Stt. 39:​2, 21. w23.01 18 par. 13.

Kisim sampela save moa. Baibel i no tok Josep i mekim wanpela tok bilong sambai long em yet taim meri bilong Potifar i sutim tok giaman long em. Olsem wanem ol dispela skripsa i ken helpim yumi long save long risen na ating Josep i pasim maus tasol na em i no mekim wanpela tok o wai na yumi no ken ting ol i mas raitim olgeta tok long samting i bin kamap? (Prov. 20:2; Jon 21:25; Apo. 21:37) Wanem ol pasin i helpim Josep long sanap strong na karim hevi bilong pasin i no stret?—Mai. 7:7; Luk 14:11; Jems 1:​2, 3.

Skul yumi ken kisim. Askim yu yet:

• ‘Mi mas karim hevi bilong wanem pasin i no stret em ol man i mekim long mi olsem wanpela disaipel bilong Jisas?’ (Luk 21:​12, 16, 17; Hib. 10:​33, 34)

• ‘Olsem wanem mi ken redi long sanap strong na karim hevi bilong pasin i no stret?’ (Sng. 62:​7, 8; 105:​17-19. w19.07 2-7)