Kisim Helpim Long Ol Majinel Referens

Ol majinel referens long Nupela Taim Trenslesen Bilong Ol Skripsa Holi i soim lista bilong ol narapela skripsa i stori long seim topik na i kamapim tu sampela moa infomesen, na dispela i kamapim klia olsem ol tok bilong Baibel i wanbel wantaim. Bilong painim ol majinel referens, lukim ol liklik leta o namba i stap klostu long ol wed. Sapos yu yusim Baibel ol i prinim, orait painim wankain leta o namba i stap long namel o sait bilong pes bilong painim sampela moa skripsa i stori long wankain topik. Long jw.org o long JW Library^® ap, klikim ol leta o namba bilong lukim ol referens skripsa.

Ol majinel referens inap stiaim yu i go long wanpela bilong ol dispela hap:

Wankain stori long narapela buk bilong Baibel: Referens bai soim wanpela skripsa we i kamapim wankain stori i stap long narapela buk bilong Baibel. Olsem, lukim 2 Samuel 24:1 na 1 Stori 21:1.

Wankain tok: Referens bai soim skripsa em dispela wankain tok i stap long en. Olsem, lukim Matyu 4:4 na Lo 8:3.

Truim bilong ol tok profet: Referens bai soim hau truim bilong wanpela tok profet i kamap tru. Olsem, lukim Matyu 21:5 na Sekaraia 9:9.