Futnot

a Sapos wanpela i no stap nupela moa long wanem, wanpela i bagarapim em o taim em i pikinini wanpela i mekim pasin sem long em, God i ken mekim gut bel bilong em, long wanem, God i save em “i no gat rong na i no gat asua” long dispela samting. (Filipai 2:15) Na ol narapela i mekim pasin pamuk taim ol i no save long ol lo bilong Baibel, bel bilong ol tu i ken i stap isi, long wanem, sapos ol i kamapim bilip bilong ol long ofa bilong Jisas, God bai “wasim [ol] pinis na mekim [ol] i kamap lain manmeri bilong em stret.” (1 Korin 6:11) Sapos wanpela Kristen i bin pamuk na bihain em i tanim bel, em inap kamap klin gen long ai bilong God, na planti poroman marit ol i save lusim tingting long rong em poroman bilong ol i bin mekim taim em i tanim bel na lusim dispela pasin.