Futnot

a God i kilim i dai Onan, long wanem em i kapsaitim nating wara o melek bilong em long graun. Tasol Onan i no pilai long sem bilong em na i mekim olsem. Nogat. As bilong dispela samting i olsem: Brata bilong em i dai pinis, olsem na em i mas maritim meri bilong dispela brata na kamapim sampela pikinini na bai lain bilong brata bilong em i no ken pinis. Tasol taim Onan i slip wantaim dispela meri em i “larim wara bilong en i kapsait nating long graun” na bai meri i no inap kisim bel, long wanem Onan i save, sapos em i kamapim pikinini, bai dispela pikinini i no bilong em​—bai pikinini i olsem bilong brata bilong em. (Stat 38:​1-10) Tasol olsem wanem long tok bilong Baibel long Wok Pris 15:​16-18 i stori long taim “wara i kamap nating” long sem bilong man? Ating dispela i stori long taim man i slip long nait na i driman na wara o melek i kamap nating na i kapsait, o taim em i mekim maritpasin wantaim meri bilong em.