Futnot

c Ol saveman i tok ol dispela man i bin mekim strongpela tok promis long mekim laik bilong God, olsem ol Promisman. (Nam. 6:1-21) Ol man i mekim kain tok promis aninit long Lo Bilong Moses, na nau dispela Lo i pinis. Tasol Pol inap tingting olsem i no gat rong long ol dispela man i inapim strongpela tok promis ol i bin mekim long Jehova. Olsem na i no gat rong long em i baim ol samting ol i nidim na go wantaim ol. Yumi no save wanem samting i insait long dispela strongpela tok promis, tasol maski wanem samting i insait long en, Pol i no inap sapotim pasin bilong sakrifaisim ol animal (olsem ol Promisman i mekim), na bilip olsem dispela bai tekewe sin bilong ol man. Nogat. Krais i bin givim sakrifais i gutpela olgeta, olsem na ol animal sakrifais i no gat strong bilong tekewe sin. Maski Pol i mekim wanem, yumi ken save olsem em i no inap mekim wanpela samting em maus bilong bel bilong em i gat tok long en.