Futnot

a Long 4-pela Gutnius, i gat olsem 70 hap i kolim wanpela kain tok Jisas i mekim bilong kamapim klia olsem tok bilong em i tru. Taim em i laik kirapim wanpela tok, planti taim em i tok, “Mi tok tru long yupela.” Long tok Hibru, insait bilong en i olsem “em i tru.” Wanpela buk dikseneri bilong Baibel (The New International Dictionary of New Testament Theology) i tok: ‘Taim Jisas i laik kirapim wanpela tok na em i tok, “tru mi tokim yupela,” em i makim olsem dispela tok em i laik mekim i tru olgeta na ol man inap bilip tru long en. Em i holim strong dispela tok na em yet wantaim ol man i harim ol i gat wok long bihainim. Ol tok bilong em i kamapim biknem na bikpela namba bilong em.’