Futnot

a Bilong helpim wok bilong Kingdom bilong God, ol Witnes Bilong Jehova i no save insait long ol wok politik o kirapim ol man long bikhet long ol gavman​—⁠maski long sampela hap ol i tambuim wok bilong ol Witnes o ol i mekim nogut long ol. (Taitus 3:⁠1) Ol i bihainim pasin bilong Jisas na ol disaipel bilong em na ol i no insait long wok politik, tasol ol i mekim wok bilong helpim ol man long ol samting bilong spirit. Ol Witnes i wok strong long helpim ol man long hap bilong ol em ol i laikim stretpela pasin na bai ol i ken kisim ol gutpela pasin em Baibel i as bilong en, olsem laikim tru ol narapela insait long famili, tok tru, stretpela pasin, na mekim gut ol wok. Tasol bikpela wok bilong ol, ol i wok long skulim ol man long bihainim ol lo bilong stiaim tingting i stap long Baibel na lukluk i go long Kingdom bilong God olsem rot tru bilong kamapim gutaim.