Futnot

a Tingting bilong mekim kain samting olsem i no stret wantaim pasin bilong Mefiboset, em i gat pasin daun na em i save pilim tru gutpela pasin ol narapela i mekim long em. Na em i save gut long pasin bilong papa bilong em, Jonatan, long stap gut long Devit. Maski Jonatan em i pikinini bilong King Sol, long pasin daun em i save olsem Devit em i man Jehova i makim bilong stap king long Israel. (1 Samuel 20:​12-17) Jonatan em i wanpela papa i pret long God na em i gutpela pren bilong Devit, olsem na em i no skulim pikinini man bilong em long tingting long kisim wok king.