Futnot

b Tru ol man i gat narapela narapela tingting, tasol sampela i ting dispela tempel bilong Dagan em i tempel bilong god El. Roland de Vaux, wanpela saveman bilong Frans na profesa long Jerusalem School of Biblical Studies, em i tok olsem Dagan​​—⁠em Dagon bilong Hetman 16:23 na 1 Samuel 5:​1-5​​—⁠em nem tru bilong god El. Buk The Encyclopedia of Religion i tok, ating “ol i bungim Dagan wantaim god [El].” Long ol rait bilong Ras Shamra, ol i kolim Bal olsem pikinini man bilong Dagan, tasol ol i no klia gut long mining bilong tok “pikinini man” long dispela hap.