Futnot

a Paslain long ol Rasia i kirap pait bilong daunim gavman long Oktoba 1917, Rasia i bin yusim olpela kalenda bilong Julius, tasol planti kantri i yusim kalenda bilong Gregori. Long 1917, kalenda bilong Julius i go 13 de bihain long kalenda bilong Gregori. Bihain long dispela pait ol Soviet i kirap yusim kalenda bilong Gregori, long dispela rot ol i bihainim wankain kalenda olsem long olgeta hap. Tasol Misin Otodoks i bihainim yet kalenda bilong Julius long mekim ol bikpela bung bilong ol, na ol i kolim olsem “Olpela Kalenda.” Ating yu bin harim olsem ol Rasia i save mekim Krismas long Janueri 7. Tasol tingim dispela, Janueri 7 long kalenda bilong Gregori em Disemba 25 long kalenda bilong Julius. Olsem na planti Rasia i stretim ol taim bilong mekim Krismas olsem: Disemba 25, Krismas bilong lain bilong hap Wes; Janueri 1, em Nuyia; Janueri 7, Krismas bilong Lotu Otodoks; Janueri 14, em Nuyia long Olpela Kalenda.