Futnot

a Yu bin harim wanpela wokman bilong Jehova husat i mekim wok bilong em inap longpela taim i tok, ‘Mi no bin ting dispela haptaim nogut bilong Satan bai stap longpela taim olsem’? Yumi olgeta i laik tru long lukim Jehova i pinisim haptaim nogut bilong nau, moa yet dispela taim yumi stap long en. Tasol yumi mas lain long no ken les kwik. Long dispela atikol, yumi bai stori long ol stiatok bilong Baibel we i ken helpim yumi long wetim Jehova long mekim samting. Na tu, yumi bai stori long tupela rot we yumi no ken les kwik na wet long Jehova. Na yumi bai stori tu long ol gutpela blesing em Jehova i tok promis long givim long ol man i wetim em.