Futnot

a Bikpela lain manmeri tru bilong lain Israel em ol i lukim Jehova i wokim ol mirakel long Solwara Retsi, ol i dai pinis na ol i no go insait long Graun Bilong Promis. (Nam. 14:​22, 23) Jehova i tok olsem ol man i gat 20 krismas na i go antap em ol i bin rejistaim nem bilong ol, ol bai dai long ples drai nating. (Nam. 14:29) Tasol Josua, Kalep, na ol man aninit long 20 krismas na traib bilong Livai, ol bai stap laip yet na ol bai lukim Jehova i truim tok promis bilong em taim lain Israel i brukim Wara Jordan na i go insait long Kenan.—Lo 1:​24-40.