SINGSING 75
“Mi Stap! Salim Mi”
1. God em i gat gutpela nem,
Tasol ol man i semim em.
Ol i tok God i no gat strong.
Sampela i tok, “No gat God!”
Husat bai go na stretim tok?
Na litimapim nem blong God?
(SINGSING GEN 1)
“Bikpela, mi stap! Salim mi.
Bai mi tokaut, em wok blong mi.
Mi laikim tumas dispela wok.
Salim mi long wok blong yu.”
2. Ol i tok God i wok isi;
Ol i no save pret long em.
Ol i lotuim God giaman;
Na tok Sisar i namba wan.
Husat bai tokim man nogut?
Tokim em long pait bilong God?
(SINGSING GEN 2)
“Bikpela, mi stap! Salim mi.
Mi no ken pret long toksave.
Mi laikim tumas dispela wok.
Salim mi long wok blong yu.”
3. Gutpela man i krai i stap
Long pasin nogut i pulap.
Ol i laik painim tok i tru
I mekim man i belgut tru.
Husat bai mekim gut long ol?
Lainim ol long stretpela lo?
(SINGSING GEN 3)
“Bikpela, mi stap! Salim mi.
Bai mi ken lainim ol isi.
Mi laikim tumas dispela wok.
Salim mi long wok blong yu.”
Lukim tu Sng. 10:4; Ese. 9:4.)