18, 19. (a) Wanem insait bilong dispela tok, “soim mipela long pasin bilong kaunim ol de bilong mipela bambai mipela inap bihainim gutpela tingting”? (b) Sapos yumi bihainim gutpela tingting, dispela bai kirapim yumi long mekim wanem?

¹⁸ Orait nau man bilong raitim song i tok: “Husat i save gut long bikpela strong bilong kros bilong yu? Na husat i save long bikpela pret i kamap long ol manmeri taim yu kros long ol?

Song 90:​11,

I no gat wanpela man i save tru long strong bilong kros bilong Jehova o em i save belhat i go inap long wanem mak, na dispela i mas kirapim yumi long pret na daun moa long Jehova. Na tu, dispela i mas kirapim yumi long askim em long ‘soim yumi long pasin bilong kaunim ol de bilong yumi bambai yumi inap bihainim gutpela tingting.’