Olsem Wanem Yumi Inap Wokabaut Wantaim God?

9. Bilong wanem sampela taim Jehova i hait long lain bilong em? Tasol em i givim wanem gutpela tok long ol olsem Aisaia 30:20 i tok?

⁹ Namba 3 askim yumi laik skelim, em samting yumi mas tingim gut. Olsem wanem yumi inap wokabaut wantaim God? Bekim i stap long Aisaia 30:​20, 21: “[Nambawan Bikpela Tisa] bai i stap wantaim yupela na skulim yupela. Na bai yupela i no inap painim em moa. Nogat. Bai yupela i lukim em long ai bilong yupela yet.

Ating dispela tok bilong Jehova long ves 20 i kirapim lain bilong em long tingim taim ol i bin bikhet long em na i olsem em i hait long ol. (Aisaia 1:15; 59:⁠2) Tasol ol ves hia i soim olsem Jehova i no hait long lain bilong em i stap gut long em​—⁠em i sanap ples klia, olsem long ai bilong ol. I olsem wanpela tisa i sanap long ai bilong ol sumatin na i soim ol long samting em i laik lainim ol long en.