6, 7. (a) Jon i kolim wanem ol gutpela samting bai kamap long nupela taim? Husat bai stap long dispela taim na ol i ken amamas long ol dispela samting? (b) Aisaia i stori olsem wanem long paradais bilong spirit na paradais bilong graun?

⁶ Na Jon i tok moa olsem: “Em bai i mekim drai wara i stap long ai . . . bilong ol. Na ol manmeri bai i no i dai moa, na ol bai i no bel hevi moa na krai moa, na ol bai i no inap kisim pen gen. Ol dispela samting bilong bipo ol i pinis olgeta.” (KTH 21⁠:⁠4) Yumi tingim gen sampela tok promis bipo Jehova i bin mekim.

⁷ Aisaia i tok, long dispela taim “ol aipas bai ol i lukluk, na ol yaupas bai ol i harim toktok. Na ol lek nogut bai ol i kalap olsem ol dia, na ol mauspas bai ol i singaut na amamas.” (Aisaia 35⁠:​5, 6)