17. Olsem yumi lukim long Sefanaia 1:​14-​16, de bilong Jehova long mekim kot i klostu pinis o olsem wanem?

¹⁷ Olsem wanem? De bilong Jehova long mekim kot i klostu pinis? Sefanaia 1:​14-16 i tok, God i givim toksave long yumi olsem: “De bilong Bikpela i mekim kot bilong en, em i klostu nau na dispela De bai i kamap kwiktaim tru. Long dispela De nogut, maski ol man i strongpela soldia, ol tu bai i pret nogut na krai moa yet.

18. Bilong wanem yumi no ken ting de bilong Jehova long mekim kot i longwe yet?

¹⁸ Ol lain bilong mekim sin long Juda, olsem ol pris na bikman na ol manmeri, ol i kisim toksave olsem “De bilong Bikpela i mekim kot bilong en, em i klostu nau.” Dispela de bilong Jehova “bai i kamap kwiktaim tru” long ol Juda. Na i olsem tu long taim bilong yumi​—⁠nogut ol man i ting de bilong Jehova long mekim kot na givim strafe long ol man nogut em bai kamap bihain bihain. God i bin kirap kwik na mekim save long ol Juda, na olsem tasol de bilong em long mekim kot bai kamap “kwiktaim tru.” (KTH 16:​14, 16) Man! Em taim nogut tru bilong ol man i givim baksait long ol tok lukaut bilong Jehova em ol Witnes bilong em i autim na ol i no kirap na bihainim lotu i tru!