Long narapela taim, Jisas i stori long taim bilong kot we em bai tokim ol man nogut olsem: “Yupela manmeri bilong lus, yupela klia long mi na yupela go long paia i no save dai, em dispela paia ol i redim pinis bilong Satan wantaim ol ensel bilong en.”

MATYU 25:​41,

Dispela “paia i no save dai” em Jisas i tok lukaut long en, em i paia tru o tok piksa tasol? Tingim, dispela “paia i no save dai” em Jisas i stori long en long Matyu 25:​41, em paia ol i redim pinis “bilong Satan wantaim ol ensel bilong en.” Yu ting paia tru inap kukim ol ensel? O Jisas i tok piksa tasol long “paia”? Long dispela tok bilong Jisas, em i stori tu long “ol sipsip” na “ol meme,” tasol ol i no sipsip na meme tru tru, nogat. Ol i makim tupela kain lain. (Matyu 25:​32, 33) Dispela paia i no save dai em Jisas i toktok long en na i kukim ol man nogut, em i tok piksa tasol.