• Tupela Man Bilong Autim Tok i Kirap Bek
    Kamapim Tok Hait—Bikpela Samting Bilong En i Laik Kamap!

    • c Sapos yumi skelim ol samting i bin painim lain bilong God long dispela taim, yumi save dispela 42 mun, olsem 3 na hap yia, em i no tok piksa long wanpela hap taim, nogat. Em i 42 mun stret. Tasol ating dispela 3 na hap de, olsem 84 aua, olsem yumi lukim long KTHves 9 na 11, em i tok piksa tasol na i makim olsem sotpela taim tasol. Olsem na pastaim i gat longpela taim bilong mekim wok, em 3 na hap yia, na nau wok i pinis, na bihain narapela samting i kamap na i stap sotpela taim tasol.

  • Tupela Man Bilong Autim Tok i Kirap Bek
    Kamapim Tok Hait—Bikpela Samting Bilong En i Laik Kamap!

    • Esekiel tu i bin driman na i lukim wankain samting. Em i lukim wanpela baret em planti bun bilong ol man i pulap long en, na Jehova i putim win i go long ol dispela bun i drai pinis na ol i kirap na ol i kamap man i gat laip, na dispela i makim lain Israel, ol i bin stap kalabus long Babilon inap 70 yia, na nau ol i lusim kalabus, olsem kamap laip gen. (Esekiel 37:​1-​14) Truim bilong dispela tok profet long Esekiel na long Kamapim Tok Hait em i kamap long 1919 taim Jehova i kirapim lain Witnes bilong em na ol i wok strong gen long autim tok.

      24. Taim tupela man bilong autim tok i kirap bek, olsem wanem long ol birua bilong ol?

      24 Taim tupela man bilong autim tok ol i kirap bek, ol birua i kirap nogut! Bipo tupela i dai, tasol wantu ol i kamap laip gen na ol i mekim wok gen. Ol dispela pris pasto i bel nogut long dispela samting; pastaim ol i bin wok long daunim na kalabusim ol, tasol nau ol dispela Witnes i no kalabus moa​—ol i raun mekim wok bilong ol na i no gat samting i pasim ol, na bihain moa kot i tokaut olsem ol i no gat asua, na nem bilong ol i kamap gutpela gen. Na long Septemba 1919 ol Sumatin Bilong Baibel i kibung long Sida Poin long Ohaio long Amerika, na ol birua i bel nogut tru long dispela. Pastaim J. F. Rutherford i stap kalabus, tasol bihain em i lusim kalabus na em i givim bikpela tok long ol man i bung long dispela kibung, nem bilong tok em “Autim Tok Bilong Kingdom,” na dispela tok i kirapim bel bilong ol. Em i stori long Kamapim Tok Hait 15:2 na Aisaia 52:7. Lain em Jon i piksa bilong ol, ol i kirap gen long “autim tok” long ol man. Ol i wok long kamap strong, na ol i no pret long kamapim ol giaman bilong ol misin.