• Ol Samting i Gat Laip i Kamap Olsem Wanem?
    Stap Amamas Oltaim!—Stadi Long Baibel

    • 3. Wanem samting i mekim na ol man i narapela kain long ol animal?

      Bihain long Jehova i wokim graun, em i wokim ol samting i gat laip. Fes, em i wokim ol diwai na gras samting na ol animal. Bihain, “God i wokim man i kamap olsem em yet.” (Ritim Stat 1:27.) Wanem samting i mekim na ol man i narapela kain? God i wokim yumi i kamap olsem em yet, na yumi inap kamapim ol pasin bilong em, olsem pasin laikim na stretpela pasin. Na tu, em i wokim gut yumi na yumi inap lainim ol tokples, amamas long ol gutpela samting, na amamas long musik. Na yumi inap lotuim Krieta bilong yumi, em samting ol animal i no inap mekim.

  • Ol Samting i Gat Laip i Kamap Olsem Wanem?
    Stap Amamas Oltaim!—Stadi Long Baibel

    • 5. I gat as na yumi bilipim ol stori bilong Baibel long hau ol samting i bin kamap

      Long Stat sapta 1, Baibel i stori long hau graun na ol samting i gat laip i kamap. Yu inap bilipim dispela stori, o yu ting em stori nating? Pilaim VIDIO, na stori long ol dispela askim.

      VIDIO: Yu Ting i Gat Man i Wokim Yunives?—Hap Bilong En (3:51)

      Ol piksa: Ol piksa long hap bilong vidio ‘Yu Ting i Gat Man i Wokim Yunives?​—Hap Bilong En.’ 1. Ol samting i kamap insait long sikspela de em man inap lukim long ai. 2. Graun i luk olsem bihain long sikspela de bilong God i wokim ol samting, san i lait, graun i stap ples klia, wara, gras na ol diwai, ol pisin, ol animal bilong graun, na ol man.

      • Yu ting Baibel i tok graun na ol samting i gat laip i kamap insait long 6-pela de?

      • Yu ting tok bilong Baibel long hau ol samting i kamap i stret na i tru? Wai na yu ting olsem? O wai na yu ting nogat?

      Ritim Stat 1:1, na stori long dispela askim:

      • Ol saientis i tok yunives i gat kirap bilong en. Olsem wanem wok painimaut bilong ol i wankain long tok em nau tasol yu ritim long Baibel?

      Sampela man i ting God i wokim ol samting i gat laip long rot bilong evolusen. Ritim Stat 1:21, 25, 27, na stori long ol dispela askim:

      • Yu ting Baibel i tok God i wokim wanpela liklik samting i gat laip na bihain em i senis senis na kamap pis, ol animal, na bihain ol man? O em i wokim “ol kain kain” samting i gat laip?