• Kingdom Bilong God i Kamap Pinis!
    Save i Bringim Man Long Laip Oltaim

    • 9 Long kain rot olsem, Jehova i helpim yumi long save Kingdom em i stap tru. Olsem Buk Hibru long Baibel i tok, planti samting long Lo Bilong Moses i olsem piksa na i makim samting bilong Kingdom. (Hibru 10:1) Kingdom bilong Israel long graun em tu i olsem piksa bilong Kingdom bilong God. Dispela Kingdom bilong Israel i no wanpela gavman nating bilong graun, long wanem, ol king bilong Israel ol i mekim wok king long nem bilong God. (1 Stori 29:23) Na Baibel i tok profet pinis olsem: “[Juda] i holim dispela stik i makim strong bilong king, na em bai i stap king oltaim. Em bai i holim dispela namba inap [Silo] i kamap . . . na em bai i bosim olgeta lain manmeri.” (Stat 49:10)a Em nau, Jisas i mas kamap long lain king bilong famili bilong Juda, na em bai i stap King bilong gavman bilong God oltaim oltaim.—Luk 1:32, 33.

  • Kingdom Bilong God i Kamap Pinis!
    Save i Bringim Man Long Laip Oltaim

    • a Insait bilong dispela nem “Silo” i olsem “Man Bilong Kisim Dispela Wok.” Bihain ol i save, dispela “Silo” em Krais Jisas, em i “Laion i bin kamap long lain Juda.” (KTH 5:5) Taim ol Juda i tanim tok bilong sampela hap bilong Ol Skripsa Hibru long tok Aram ol i senisim tok “Silo” na raitim olsem “Mesaia” o “king Mesaia.”