• ‘Wanem Hap Yu Go Mi Tu Bai Go’
    Bihainim Bilip Bilong Ol

    • 23. Rut i kirap long tingim wanem samting? Lo Bilong Moses i kolim wanem rot bilong helpim ol rabisman? (Lukim tu futnot.)

      23 Taim Naomi na Rut i sindaun long Betlehem, Rut i kirap long tingim ol samting em bai mekim bilong lukautim em yet na Naomi. Em i kisim save olsem Lo em Jehova i bin givim ol manmeri bilong em long Israel i kolim wanpela rot bilong helpim ol rabisman. Ol rabisman i mas i go long ol gaden long taim bilong bungim kaikai i redi long gaden, na bihainim ol wokman i katim bali samting bambai ol i ken kisim ol hap kaikai i pundaun long gaden na ol hap kaikai i stap long arere bilong gaden.b—Wkp. 19:9, 10; Lo 24:19-21.

      24, 25. Rut i mekim wanem taim em inap kisim kaikai long gaden bilong Boas? Hau ol i save bungim ol hap kaikai i stap yet long gaden?

      24 Em taim bilong kisim bali i redi long gaden, ating em mun Epril long kalenda bilong nau, na Rut i go long gaden bilong painimaut husat bai larim em i bungim ol hap kaikai i stap yet olsem Lo i makim. Em inap kisim kaikai long gaden bilong wanpela man nem bilong em Boas, em i wanpela maniman i gat bikpela hap graun na wanblut bilong Elimelek, em man bilong Naomi. Maski Lo i tok orait long Rut i ken kisim ol hap kaikai i stap yet, em i no mekim nabaut; em i askim yangpela man i bosim ol man bilong bungim kaikai sapos i orait long em i ken wok. Em i tok orait, na Rut i kirap long wok.​—Rut 1:22–2:3, 7.

  • ‘Wanem Hap Yu Go Mi Tu Bai Go’
    Bihainim Bilip Bilong Ol

    • b Em i wanpela gutpela lo, em i narapela kain long ol lo Rut i save long en long asples bilong em. Long wanpela hap bilong Midel Is long dispela taim bipo, ol man i save mekim nogut long ol wido. Wanpela buk i tok: “Taim man bilong wanpela meri i dai, dispela wido meri i mas kisim helpim long ol pikinini man bilong em; sapos em i no gat pikinini man, orait em i ken salim em yet olsem sleiv, o kamap pamukmeri, o em i mas i dai.”