• “Olgeta Ples Yu Go Long En, Mi Tu Bai Mi Go Long En”
    Wastaua—2012 | Julai 1

    • Taim Naomi na Rut i sindaun long Betlehem, Rut i tingim ol samting em bai mekim bilong lukautim em yet na Naomi. Em i kisim save olsem Lo em Jehova i bin givim ol manmeri bilong em long Israel i kolim wanpela rot bilong helpim ol rabisman. Ol rabisman i mas i go long ol gaden long taim bilong bungim kaikai, na bihainim ol wokman i katim bali samting bambai ol i ken kisim ol hap kaikai i pundaun long gaden na ol hap kaikai i stap long arere bilong gaden.c—Wok Pris 19:9, 10; Lo 24:19-21.

      Em taim bilong kisim bali, ating em long mun Epril long kalenda bilong nau, na Rut i go long gaden bilong painimaut husat bai larim em i wok olsem rabismeri i bungim ol hap kaikai i stap yet olsem Lo i makim. Em i kamap long gaden bilong wanpela man nem bilong em Boas, em i wanpela maniman i gat bikpela hap graun na wanblut bilong Elimelek, em man bilong Naomi. Maski Lo i tok orait long Rut i ken kisim ol hap kaikai i stap yet, em i no mekim nabaut, em i askim yangpela man i bosim gaden sapos i orait long em i ken wok. Em i tok orait long dispela na Rut i kirap long wok.—Rut 1:22–2:3, 7.

  • “Olgeta Ples Yu Go Long En, Mi Tu Bai Mi Go Long En”
    Wastaua—2012 | Julai 1

    • c Em i wanpela gutpela lo, em i narapela kain long ol lo Rut i save long en long kantri bilong em. Long wanpela hap bilong Midel Is long bipo, ol man i save mekim nogut long ol wido. Wanpela buk i tok: “Taim man bilong wanpela meri i dai, dispela wido meri i mas kisim helpim long ol pikinini man bilong em; tasol sapos em i no gat pikinini man, orait em i ken salim em yet olsem wokmeri nating, o kamap pamukmeri, o em i mas i dai.”