-
Em i Sambai Long Lain Bilong GodBihainim Bilip Bilong Ol
-
-
22. Wai na Esta i pret long go lukim man bilong em, dispela king? (Lukim tu futnot.)
22 Ating bel bilong Esta i bagarap stret taim em i harim dispela tok. Dispela i traim tru bilip bilong em. Tok em i mekim long Mordekai i soim olsem em i pret. Em i kirapim Mordekai long tingim gen lo bilong king. Man inap lusim laip bilong em sapos long laik bilong em yet em i go long lukim king. Tasol sapos man i go na king i apim stik gol bilong em na i makim em, orait dispela man i no inap i dai. Yu ting Esta inap ting kain samting i no inap painim em? Moa yet taim em i save long samting i bin painim Vasti taim em i sakim tok bilong king na i no go lukim em. Esta i tokim Mordekai olsem inap 30 de king i no bin singautim em long i go lukim em! Dispela i mekim na Esta i tingting planti nogut king i no laikim em moa.e—Est. 4:9-11.
-
-
Em i Sambai Long Lain Bilong GodBihainim Bilip Bilong Ol
-
-
e Serksis Namba 1 i gat nem long pasin bilong senisim tingting wantu tasol, belhat hariap. Wanpela saveman bilong Grik, Herodotus, i raitim sampela stori bilong pait em Serksis i mekim long ol Grik. King i tok long ol i lainim ol sip olsem bris long wanpela sait i go long narapela sait bilong poin bilong Helespon. Taim strongpela win i bagarapim dispela bris, Serksis i tok na ol i katim nek bilong ol ensinia i bin wokim dispela bris, na em i tokim ol man long paitim wara long Helespon taim ol i wok long ritim strong wanpela tokaut nogut. Long wankain taim, wanpela maniman i askim long pikinini man bilong em i no ken joinim ami, Serksis i tok na ol i katim bodi bilong pikinini long tupela hap na ol i putim long ples klia na dispela i olsem tok lukaut long ol man.
-