17. (a) Olsem Jeremaia i bin tok, wanem samting bai painim Jerusalem? (b) Klostu nau, wanem samting bai painim ol misin?

¹⁷ Jehova em bikpela Jas na em bai givim wanem strafe long ol dispela tisa giaman bilong ol misin i holim nating nem Kristen? Jer 23 Ves 19, 20, 39, 40 i bekim tok olsem: “Belhat bilong Bikpela bai i kamap long ol man nogut olsem strongpela win na ren i kamap long ol . . . Bikpela bai i belhat i stap inap em i pinisim tru olgeta samting em i bin tingting long mekim. . . . Olsem na tru tumas, bai mi kisim yupela na tromoi yupela i go longwe long mi. Mi bai mekim olsem long yupela na long dispela taun mi bin givim long ol tumbuna bilong yupela na long yupela yet. Mi bai mekim yupela i sem nogut tru, na dispela sem bai i stap oltaim oltaim, na bai yupela i no inap lusim tingting long en.” Dispela olgeta samting i bin kamap long Jerusalem nogut bilong bipo na haus lotu bilong en, na klostu nau bai wankain bagarap i painim ol misin i holim nating nem Kristen, em ol i mekim pasin nogut!

²¹ Long taim bilong Jeremaia, strafe bilong Jehova i bin painim Jerusalem long taim ol Babilon i bagarapim dispela taun long yia 607 paslain long Krais. Ol tok profet i tok, long dispela taim ol bikhetman bilong lain Israel, em ol i no bin i stap gut long Jehova, ol i sem nogut tru. (Jeremaia 23:​39, 40) Planti taim ol i bin bikhet long em na nau ol i save, em i rausim ol pinis, na hevi bilong pasin nogut bilong ol yet i painim ol. Ol hambak profet giaman bilong ol i no autim tok moa. Tasol Jeremaia i no pasim maus, na Jehova i no lusim em. Dispela i makim olsem taim strafe bilong Jehova i painim ol pris pasto long nau wantaim ol man i bilipim ol tok giaman bilong ol, na Jehova i bagarapim ol, em i no ken lusim lain remnan, em ol i mekim wok olsem bilong Jeremaia.