2:​32​—Wanem mining bilong dispela tok ‘olgeta manmeri i askim Bikpela long helpim ol [“singaut long nem bilong Jehova,” NW]’? Bilong singaut long nem bilong God i makim olsem yumi save long dispela nem, na rispek tru long en, na bilip long dispela man i holim dispela nem.​—Rom 10:​13, 14.

2:​28-​32. Man i kolim nem bilong Jehova bai abrusim bagarap long taim “De bilong Bikpela i kamap.” Yumi amamas tru olsem Jehova i givim holi spirit bilong em long olgeta kain man, ol yangpela, ol lapun, man na meri, na olgeta i autim tok profet, olsem ol i tokaut long “ol strongpela wok bilong God.” (Aposel 2:11) De bilong Jehova i wok long i kam klostu, olsem na yumi mas “wokabaut long pasin holi na bihainim olgeta pasin bilong God.”​—2 Pita 3:​10-​12.