ASKIM 6
Baibel i mekim wanem ol tok profet long Mesaia?
TOK PROFET
“Yu, O Betlehem Efrata, . . . wanpela man bai kamap long yu long nem bilong mi na em bai kamap king long Israel.”
TRUIM
“Mama i karim Jisas long Betlehem bilong Judia long taim Herot i stap king. Em i karim Jisas pinis, na bihain sampela glasman bilong ol sta i lusim hap bilong Is na kam long Jerusalem.”
TOK PROFET
“Ol i tilim saket bilong mi namel long ol yet, na ol i pilai satu long klos bilong mi.”
TRUIM
“Ol soldia i nilim Jisas pinis long pos, na ol i kisim saket bilong em na brukim long 4-pela hap, . . . Tasol siot bilong em i no gat ol join, ol i bin wivim long antap i go daun. Olsem na ol i toktok namel long ol yet olsem: ‘Yumi no ken brukim dispela siot, yumi mas pilai satu bilong makim husat bai kisim.’”
TOK PROFET
“Em i lukautim olgeta bun bilong em; na i no gat wanpela bilong ol i bruk.”
TRUIM
“Taim ol i kamap long Jisas, ol i lukim olsem em i dai pinis, olsem na ol i no brukim lek bilong em.”
TOK PROFET
“Long ol sin bilong yumi, na ol i bin sutim em.”
TRUIM
“Wanpela soldia i sutim sait bilong em long spia, na wantu blut na wara i kapsait.”
TOK PROFET
“Ol i givim pe bilong mi, em inap olsem 30 silva koin.”
TRUIM
“Orait wanpela bilong ol 12-pela aposel, em ol i kolim Judas Iskariot, em i go long ol bikpris na i tok: ‘Yupela bai givim wanem samting long mi sapos mi putim em long han bilong yupela?’ Na ol i tok long givim em 30 silva koin.”