Bihain Matyu i mekim wanpela bikpela kaikai bilong Jisas long haus bilong em. Ating em i amamas long Jisas i bin singautim em na em i mekim olsem. Jisas wantaim ol disaipel bilong Em i go long dispela kaikai, na planti wanwok bilong Matyu long bipo, ol tu i go. Ol Juda i save bel nogut long ol dispela man bilong kisim takis, long wanem ol i wokboi bilong ol Rom na ol Juda i no laikim tru ol dispela Rom i bosim ples bilong ol. Na tu, planti man bilong kisim takis ol i save giamanim ol man na pulim bikpela mani moa long ol, winim skel bilong takis.