• Bai Yu Larim Wanpela Samting i Pundaunim Yu na Yu No Bihainim Jisas?
    Wastaua (Stadi)—2021 | Me

    • (3) JISAS I SAKIM PLANTI KASTAM BILONG OL JUDA

      Planti i pundaun bikos Jisas i sakim sampela kastam bilong ol. Olsem wanem dispela wankain samting inap pundaunim sampela man long nau? (Lukim paragraf 13)d

      13. Wai na planti man i bin sakim Jisas?

      13 Long taim bilong Jisas, ol disaipel bilong Jon Bilong Baptais i kirap nogut olsem ol disaipel bilong Jisas i no tambu long kaikai. Jisas i tok i no gat wok long ol i tambu long kaikai taim em i stap yet wantaim ol. (Mat. 9:14-17) Maski i olsem, ol Farisi na ol narapela birua bilong Jisas i sutim tok long em bikos em i no bihainim ol kastam bilong ol. Ol i belhat taim em i oraitim ol sikman long de Sabat. (Mak 3:1-6; Jon 9:16) Ol i apim nem bilong ol yet na tok ol i save bihainim lo bilong Sabat, tasol ol i orait tasol long ol man long mekim wok bisnis insait long tempel. Ol i belhat nogut tru taim Jisas i mekim strongpela tok bilong kotim ol. (Mat. 21:12, 13, 15) Na ol manmeri em Jisas i autim tok long ol long sinagog long Nasaret, ol i belhat nogut tru taim Jisas i stori long eksampel bilong lain Israel bilong bipo. Em i mekim dispela stori bilong kamapim klia olsem ol i tingim ol yet tasol na ol i no gat bilip. (Luk 4:16, 25-30) Ol samting Jisas i mekim i pundaunim planti bilong ol.—Mat. 11:16-19.

      14. Wai na Jisas i no orait long ol kastam bilong ol man em Baibel i no as bilong en?

      14 Baibel i tok wanem? Long rot bilong profet Aisaia, Jehova i tok: “Ol dispela manmeri i kam klostu long mi long maus tasol, na ol i onarim mi long maus bilong ol, tasol bel bilong ol i stap longwe long mi; na tok bilong ol man em ol i bin kisim skul long en, dispela i as na ol i pret long mi.” (Ais. 29:13) Jisas i bihainim stretpela pasin taim em i no orait long ol kastam bilong ol man em Baibel i no as bilong en. Ol man husat i putim ol lo na ol kastam bilong ol yet olsem nambawan samting winim tok bilong Baibel, ol i sakim Jehova na man em i bin salim i kam, em Mesaia.

  • Bai Yu Larim Wanpela Samting i Pundaunim Yu na Yu No Bihainim Jisas?
    Wastaua (Stadi)—2021 | Me

    • (4) JISAS I NO GAT TINGTING LONG SENISIM GAVMAN

      Planti i pundaun bikos Jisas i no laik insait long ol wok politik. Olsem wanem ol dispela wankain samting inap pundaunim sampela man long nau? (Lukim paragraf 17)e

      17. Planti man long taim bilong Jisas i laik bai Jisas i mekim wanem na dispela i pundaunim ol?

      17 Sampela man long taim bilong Jisas i laik bai gavman i senis. Ol i laik bai Jisas i helpim ol long kamap fri long hatpela wok bos bilong Rom. Tasol taim ol i laik mekim Jisas i kamap king bilong ol, em i sakim ol. (Jon 6:14, 15) Ol narapela—na ol pris tu—i wari olsem Jisas bai senisim gavman na dispela bai mekim ol Rom i belhat, bikos Gavman Rom i givim strong na namba long ol dispela bikman bilong lotu long mekim wok. Ol kain tingting bilong wok politik i bin pundaunim planti Juda.

      18. Planti man i sakim wanem ol tok profet i stori long Mesaia?

      18 Baibel i tok wanem? Planti tok profet bilong Baibel i stori olsem Mesaia bai kamap wanpela strongpela Soldia, tasol i gat ol narapela tok profet i tok pastaim em i mas dai bilong baim bek yumi long sin. (Ais. 53:9, 12) So wai na ol Juda i gat ol tingting kranki long samting Mesaia bai mekim? Planti long taim bilong Jisas i no laik tingim ol tok profet i stori long ol samting em bai mekim long bihain, nogat, ol i laik tingim ol samting Jisas bai mekim bilong stretim ol hevi bilong ol long dispela taim stret.—Jon 6:26, 27.