• “Mi No Gat Asua Long Blut Bilong Wanpela Man”
    “Autim Gut Tru” Tok Bilong Kingdom Bilong God
    • Pol na ol poroman bilong em i kalap long sip. Ol elda long Efesus i holimpasim Pol na krai.

      “Ol i mekim bikpela krai.”​—Aposel 20:37

      22. Bilong wanem ol elda bilong Efesus i laikim tru Pol?

      22 Pasin bilong Pol long laikim tru ol brata i kirapim ol long laikim em. Olsem na taim em i laik lusim ol, “ol i mekim bikpela krai na ol i holimpas Pol na givim kis long em.” (Apo. 20:37, 38) Ol Kristen i tingim na laikim tru ol brata husat i save givim ol yet bilong helpim ol sipsip bilong God, olsem Pol i bin mekim. Taim yumi skelim pinis gutpela eksampel bilong Pol, yumi ken tok olsem em i no litimapim em yet taim em i tok: “Mi no gat asua long blut bilong wanpela man.”​—Apo. 20:26.